Ապրիլի 22-ը տոն է՝ Երկրի միջազգային օր։ Այն նշվում է որպես մաքուր մոլորակի,ջրի և օդի օր։Տոնի արմատները շատ խորն են՝ գալիս են հեռավոր 19-րդ դարի վերջերից։ Ջոն Մորտոնը,տեղափոխվելով Նեբրասկա նահանգ,հանդիպեց ահռելի անապատային տարածք,որտեղի ծառերը հատվում էին և օգտագործվում շինարարության մեջ,ինչպես նաև որպես վառելանյութ։Մորտոնը առաջարկեց հայտարարել կանաչապատման օր, և պարգևատրել այն մարդկանց, ովքեր մեծ քանակությամբ ծառ կտնկեն։ Օրը հաստատվեց և անվանվեց «Ծառի օր»։
Ապրիլի 22-ին` 6 տարեկանները հանդես են գալիս ուղերձ-նախագծերով՝ Երկիր մոլորակը կարգի բերելու նպատակով: Ամենքս մեր բաժին երկիրն ենք պահում՝ մաքրում, բարեկարգում, խնամում, տնկում, աճեցնում… Գեղարվեստի կրտսեր դպրոցի 6 տարեկան սովորողներ և ծնողներ (թվով մոտ 15 հոգի) շրջակա միջավայրի մաքրման աշխատանքներ կիրականացնեն Վահան Տերյանի այգի և հարակից տարածք:
Ինչպես նաև կիրականացնեն «Ես կարող եմ, իսկ դու կարո՞ղ ես» Ֆլեշմոբ: սովորողների փոքր խումբ իրականացնում է մաքրման ֆլեշմոբ, փորձելով անցորդներին համոզել մաքրել մի փոքր տարածք`տրամադրելով ձեռնոցներ և տոպրակ:
Նախագծի նպատակն է.
- Համախմբել սովորողներին, քաղաքացիներին մեկ ընդհանուր նախաձեռնության շուրջ` ի բարելավումն շրջակա միջավայրի
- Հանրության ուշադրությունը հրավիրել այգու տարածքում և ոչ միայն, բնապահպանական խնդիրների վրա
- Իրականացնել էկոլոգիական աշխատանքներ` ներգրավելով այգու այցելուներին:
- իրականացնել պլանշետը որպես նախագծային գործիք
- առանձնացնել բակում տարածք և ցանել սածիլներ, սոխուկներ, ծաղիկներ, թփեր
Խնդիրները՝
- Բնագիտական և բանպահպանական գիտելիքների և հմտությունների զարգացում
- Գրագետ խոսքի կարողությունների զարգացում
- Տեղեկություններ հավաքելու և տարածելու հմտության զարգացում
- Տեխնոլոգիական հմտությունների զարգացում
- Մեդիահմտությունների կիրառում և զարգացում
Օգտագործվող միջոցները.
- Մեկանգամյա օգտագործվող ձեռնոցներ և տոպրակներ
- Ձայնագրիչ, ֆոտոխցիկ, պլանշետ (սովորողները ներկայացնում են պլանշետով առանձին ֆոտոշար, մի խումբն էլ ծնողների օգնությամբ հարցազրույց են վերցնում բնակիչներից)
- Ֆլեշմոբին մասնակցում ենք անվաչմուշկներով, հեծանվով, ինքնագլորով
Արդյունքները կհրապարակվեն ենթակայքում և դասարանական բլոգում