Նպատակը– Ընթերցանության խրախուսում, գրական ստեղծագործության ճանաչման խրախուսում , գրական ստեղծագործության ներկայացումը նորարարական մեթոդներով:
Խնդիրներ– Խրախուսել ընթերցանությունը, զարգացնել երևակայությունը, տրամաբանությունը,հիշողությունը, ճանաչել ստեղծագործության հերոսներին, տալ նրանց կերպարների` բարու և չարի, բնութագիրը, զարգացնել տրամաբանությունը, երևակայական մտածողությունը,ձևավորել սեփական մտքերը, կարծիքը արտահայտելու կարողություն, զարգացնելհաղորդակցական կարողությունները:
Նախագծի ընթացքում նախատեսվում են անհատական, խմբային, ընտանեկան աշխատանքները։
Գործունեության ուղղությունները`ստեղծագործական, լեզվական, տեխնոլոգիական բնագիտական:
Նախագծի մեկնարկը սկսում ենք Աղայանի և Ռոդարիի մանկական պատմվածքների ուսումնասիրությամբ` կարդում ենք, քննարկում, վերլուծում: Առանձնացնում ենք բարու և չարի կերպարների բնութագիրը: Հեքիաթները ներկայացնում ենք դերերով` նախապես արված դերաբաշխումով: Սովորում եմ Ղ.Աղայանի բանաստեղծությունները անգիր՝ պատրաստվելով <<Ապրիլիկ>> նախագծին:Բանաստեղծությունները կձայնագրենք և համակարգչի paint ծրագրով կնկարենք ամեն մի հատվածը, վերջում իրար միացնելով կստեղծենք մեր գիրքը։
Ռոդարիի հեքիթներին ծանոթանալով՝ կստեղծենք նաև մեր <<Շրջիկ ընթերցարան>> շարքը, կհորինենք մեր պատմությունները, <<Թարս հեքիաթի>> հիման վրա կունենանք թարս զրույց,<<Աչքերի գանգատը>>հեքիաթի հիման վրա ռադիոնյութի պատրաստում:
- Ռոդարիական հնարքներով հեքիաթների մշակում, էլ. Գրքի ստեղծում
- Հեքիաթները ներկայացնում ենք էլեկրոնային գրքի, ֆիլմի, ռադիոթատրոնի տեսքով:
- Հեքիաթներից մեկը ներկայացնում ենք բերանացի՝ նախապես արված դերաբաշխումով .
- Ռոդարիական հերոսների ծեփում կավով և պլաստիլինով
Արդյունքները կտեղադրվեն դասարանական և անհատական բլոգներում, ենթակայքում: